Ռուսաստանի նախագահ Վլադիմիր Պուտինն ու Բելառուսի նախագահ Ալեքսանդր Լուկաշենկոն այս պահին քննարկում են Միութենական պետության օրակարգը, առևտրատնտեսական համագործակցությունը, ինչպես նաև տարածաշրջանային անվտանգության հարցերը։ Այս մասին հայտնել է Կրեմլի մամուլի քարտուղար Դմիտրի Պեսկովը։

«Այս պահին Վալդայում գտնվող նախագահի նստավայրում ընթանում է Վլադիմիր Պուտինի հանդիպումը Բելառուսի նախագահ Ալեքսանդր Լուկաշենկոյի հետ», — ասել է Պեսկովը։

Պեսկովը հավելել է, որ Պուտինն ու Լուկաշենկոն անդրադառնում են նաև օրակարգային այլ արդիական հարցերի։