Հայաստանը վճռականորեն ընտրել է խաղաղության ու բարգավաճման ուղին, Հայաստանն ամրապնդել է ժողովրդավարությունը՝ չնայած փորձություններին: Այս մասին հայտարարեց Ֆրանսիայի նախագահ Էմանուել Մակրոնը՝ ՀՀ-Ֆրանսիա ռազմավարական գործընկերության հռչակագիրը ստորագրելուց հետո:
Ֆրանսիայի նախագահի համոզմամբ՝ ՀՀ-ն վճռականորեն շարժվում է դեպի Եվրոպա, ՀՀ-ն միշտ եղել է եվրոպական ընտանիքի լիիրավ անդամ:
«Այդ առաջընացը եվրոպական քաղաքականության ոլորտում այս վերջին երկու օրերին ինձ համար ակնհայտ է: Այս ամենը 8 տարի առաջ հնարավոր չէր պատկերացնել, այսինքն՝ կազմակերպել Եվրոպական քաղաքի հանդիպում, կազմակերպել ՀՀ-ԵՄ գագաթնաժողով»,- շեշտեց Մակրոնը:
