Մասյացոտնի թեմի առաջնորդական տեղապահ Հոգեշնորհ Տեր Ռուբեն վարդապետ Զարգարյանն անդրադարձել է ընդդիմադիրների վերաբերյալ տարածվող ձայնագրություններին։
Հայր Սուրբը հիշեցրել է՝ ժամանակին այս նույն փութաջանությամբ տարածում էին «Սրբազան պայքար»-ի անդամներին, այդ թվում՝ Բագրատ Սրբազանին վերագրվող ձայնագրությունները։
«Որոնք չէին անցել փորձաքննություն, հետո պարզվեց՝ մոնտաժված են՝ խեղաթյուրելով իրականությունը եւ մարդկանց վերագրելով ահաբեկչի պիտակ։ Նույն ձեռագիրն է, նույն դերակատարներն են, նույն նպատակները, նույն խաբեությունը։
Հասարակության հոգին ու միտքը դարձրել են ստի ու կեղծիքի թույնը սերմանելու անդաստան»,- հավելել է Հայր Ռուբենը։
