Ապօրինի ծառահատումները կանխելուն և բացահայտելուն ուղղված միջոցառումները շարունակում են մնալ ՆԳՆ Ոստիկանության ուշադրության կենտրոնում։ Ձեռնարկված միջոցառումների արդյունքում ապօրինի ծառահատման հերթական դեպքն են բացահայտել Արագածոտնի մարզի պարեկները:

Հունվարի 8-ին պարեկները Հարթավան գյուղի խաչմերուկում նկատել են փայտանյութով բեռնված «Ֆորդ» մակնիշի մեքենա։ Վարորդը փայտանյութի վերաբերյալ ներկայացրել է ժամկետանց փաստաթղթեր։

32-ամյա վարորդը, մեքենայով հանդերձ, տեղափոխվել է Համայնքային ոստիկանության Ապարանի բաժին։

Կազմված փաստաթղթերն ուղարկվել են նախաքննական մարմին։