Խորվաթիայի մայրաքաղաք Զագրեբում անցկացվող հունահռոմեական ոճի ըմբշամարտի աշխարհի առաջնությունում երրորդ մրցումային օրը պայքարի մեջ մտած Սլավիկ Գալստյանը (67 կգ) տպավորիչ հաղթանակով դուրս եկավ քառորդ եզրափակիչ:
1/8 եզրափակիչում աշխարհի բրոնզե մեդալակիրը մրցեց Ֆրանսիան ներկայացնող Գագիկ Սնջոյանի հետ վստահ հաղթանակ տարավ 9:3 հաշվով:
Սլավիկ Գալստյանը մեկնարկել էր 1/16 եզրափակիչից, որտեղ 10»1 հաշվով պարտության էր մատնել Ղազախստանի ներկայացուցիչ Դին Կոշկարին:
Երրորդ մրցումային օրը պայքարի մեջ մտած Կարեն Ասլանյանն (63 կգ) եւ Վիգեն Նազարյանը (87կգ) պարտվել են:
Երեկոյան մրցահերթում բրոնզե մեդալի գոտեմարտ կանցկացնի Եվրոպայի բրոնզե մեդալակիր Հրաչյա Պողոսյանը (60 կգ):
Մրցակիցն աշխարհի բրոնզե մեդալակիր, Եվրոպայի փոխչեմպիոն Սերբիայի ներկայացուցիչ Գեորգի Տիբիլովը:
