Իրանի Իսլամական հեղափոխության պահապանների կորպուսն ու բանակի հրամանատարները խոստացել են վճռական պատասխան տալ թշնամու ցանկացած հնարավոր ագրեսիայի։
Ըստ Mehr գործակալության՝ հինգշաբթի առավոտյան Իրանի բանակի գլխավոր հրամանատար, գեներալ-մայոր Ամիր Հաթամին հանդիպել է ԻՀՊԿ հրամանատար, գեներալ-մայոր Մոհամմադ Պակպուրի հետ։
Հանդիպման ընթացքում գեներալ-մայոր Պակպուրն ընդգծել է ԻՀՊԿ ուժերի բարձր մարտական ոգին և հայտարարել, որ զինված ուժերը գտնվում են լիակատար համակարգման և պատրաստության մեջ՝ թշնամու դեմ բազմակի հարվածներ հասցնելու համար։
Պակպուրը հայտարարել է, որ «ժողովրդի ճնշող աջակցության շնորհիվ կանխվել է Իրանի պատմության մեջ ամենադժվարին պատերազմն ու խռովության հրահրումը»։
Գեներալ Հաթամին իր հերթին հարգանքի տուրք է մատուցել զոհված Իսլամական հեղափոխության պահապանների կորպուսի հրամանատարներին, մասնավորապես՝ գեներալ-լեյտենանտ Սալամիին, և բարձր գնահատել նրանց ներդրումը Իսլամական հեղափոխության պահապանների կորպուսի և բանակի միջև համագործակցության ամրապնդման գործում։
Նա ընդգծել է, որ «չարամիտ սիոնիստական ռեժիմը սպառնալիք է տարածաշրջանում և ամբողջ աշխարհում խաղաղության և անվտանգության համար»։ Նա շեշտել է, որ Իսրայելը «շարունակում է մնալ մահմեդականների թշնամի և կթիրախավորի տարածաշրջանի մյուս երկրները», եթե նման հնարավորություն ընձեռվի։
