ԱՄԷ-ի խոշոր գազամշակման համալիրում՝ Հաբշանի գազի գործարանում, հրդեհ է բռնկվել խոցված արկից ընկած բեկորների պատճառով։ Այս մասին հաղորդում է Աբու Դաբիի լրատվական գրասենյակը։
«Աբու Դաբիի էմիրության իշխանություններն արձագանքել են Աջբանի շրջանում բեկորներ ընկնելու հետ կապված միջադեպին, որը տեղի է ունեցել հակաօդային պաշտպանության համակարգերի կողմից արկը հաջողությամբ խոցելուց հետո», – նշված է X-ում հրապարակված գրառման մեջ։
Տուժածների վերաբերյալ տեղեկություններ չեն հաղորդվում։
Փետրվարի 28-ին ԱՄՆ-ն և Իսրայելն Իրանի դեմ համատեղ ռազմական գործողություն են սկսել՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը, հերքելով մեղադրանքները, սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։
Պատերազմը տարածվել է ամբողջ Մերձավոր Արևելքով՝ պատճառ հանդիսանալով հազարավոր զոհերի և առաջացնելով էներգամատակարարման պատմության մեջ ամենամեծ խափանումը և միևնույն ժամանակ հարված հասցնելով համաշխարհային տնտեսությանը։
