Այսօր կլրանար Հայաստանի ազգային հերոս, Սպարապետ Վազգեն Սարգսյանի ծննդյան 67-ամյակը։
Հայաստանի նորագույն պատմության ամենազորեղ ու ազդեցիկ առաջնորդներից մեկը։ Մարդ, որի անունը շատերի համար նույնացվում է հաղթանակի, բանակի և պետականության գաղափարների հետ։
1990-ականների ծանր տարիներին հենց Վազգեն Սարգսյանն էր կանգնած հայկական բանակի ստեղծման ակունքներում՝ ձևավորելով մի ուժ, որը կարողացավ պաշտպանել Հայաստանը և ապահովել հաղթանակը Արցախյան առաջին պատերազմում։ Նրա համար բանակը պարզապես կառույց չէր, այլ պետության ողնաշարն ու ժողովրդի անվտանգության երաշխիքը։
Սպարապետը հայտնի էր իր ուղիղ, կոշտ և անզիջում խոսքերով։ Նա հաճախ էր հիշեցնում, որ անկախությունը նվեր չէ, այլ պայքարի ու պատասխանատվության արդյունք։
1999 թվականի հոկտեմբերի 27-ի ոճրագործության ժամանակ Սպարապետ Վազգեն Սարգսյանը սպանվեց Հայաստանի Ազգային ժողովի դահլիճում՝ թողնելով ծանր բաց Հայաստանի քաղաքական և պետական կյանքում։
Տարիներ անց էլ նրա խոսքերն ու քաղաքական ժառանգությունը շարունակում են մնալ հայաստանյան քաղաքական և հասարակական քննարկումների կենտրոնում, իսկ շատերի համար Սպարապետի կերպարը շարունակում է մնալ ուժեղ պետության, ամուր բանակի և ազգային արժանապատվության խորհրդանիշ։
Շնորհավոր ծնունդդ, ՍՊԱՐԱՊԵ՛Տ