Իտալիայի հավաքականի հարձակվող Ջակոմո Ռասպադորին կարիերան կշարունակի Մադրիդի «Ատլետիկոյում»։ 25-ամյա ֆուտբոլիստի տրանսֆերի մասին պաշտոնապես հայտնել է իսպանական ակումբի մամուլի ծառայությունը։

Լրատվամիջոցների տեղեկություններով՝ «Նապոլին» տրանսֆերի համար ստացել է 22 միլիոն եվրո։ Կողմերի միջև կնքվել է հնգամյա պայմանագիր՝ մինչև 2030 թվականը։

Ռասպադորին «Նապոլի» էր տեղափոխվել «Սասուոլոյից» 2022 թվականի ամռանը։ Նեապոլիտանցիները նրա վարձակալության համար վճարել էին 5 միլիոն եվրո, իսկ մեկ տարի անց հարձակվողին գնել էին 28 միլիոնով։ «Նապոլիում» անցկացրած տարիների ընթացքում Ռասպադորին դարձել է Իտալիայի կրկնակի չեմպիոն։