Պրոդյուսեր, Գյումրու ավագանու «Իմ հզոր համայնք» խմբակցության անդամ Ռուբեն Մխիթարյանը վերաձևակերպել է Նիկոլ Փաշինյանի հետևյալ միտքը՝ «Մենք ոչ թե կորցրել ենք Լեռնային Ղարաբաղը, այլ գտել ենք Հայաստանի Հանրապետությունը»։
«Ոչինչ այդքան ճանաչելիություն չի բերել Հայաստանին, որքան 2020 թվականի 44-օրյա պատերազմում պարտությունը և 2023 թվականի աշնանն Արցախի կորուստը և հայաթափումը:
Տեղեկատվական նման ծավալի հոսքեր չի կարող ապահովել ոչ մի գերաստղի 2 օրանոց այց և համերգ:
Հայաստանի ներկայիս իշխանությունը փաստացի մեզ մտցրեց 21-րդ դարի 4 կապիտուլացված պետությունների ցանկ.
(Աֆղանստան 2001, Իրաք 2003, Լիբիա 2011):
Այսպիսով, վերաձևակերպելով «դասականի» արտաբերած տխմարությունը՝
Մենք ոչ թե կորցրել ենք Լեռնային Ղարաբաղը, այլ գտել ենք Ջենիֆեր Լոպեսին»,- գրել է Մխիթարյանը։
