եթե մարդը օգտվում է զբաղվածության ծրագրերից, նպաստը անմիջապես չի կտրվում։ Այս մասին այսօր՝ հուլիսի 29–ին, մամուլի ասուլիսի ժամանակ նշեց ՀՀ աշխատանքի և սոցիալական հարցերի փոխնախարար Ռուբեն Սարգսյանը։
«Բոլոր դեպքերում զուգահեռաբար պետության աջակցությունը շարունակվում է, հետագայում այլ գնահատման ընթացքում երևում է փոփոխությունը և մարդուն նոր սկսում են սահմանափակել ֆինանսական աջակցությունից և այլ աջակցության տեսակներից։ Այսինքն փուլային է դա արվում, որովհետև ակնհայտ է, որ մարդը միանգամից աշխատանք է ընդունվել, չի կարողանալու իր բոլոր խնդիրները լուծել։ Ցավոք սրտի չի կարողանալու, ուստի պետությունը ասում է՝ այո, գիտեմ, որ դու դժվարին իրավիճակում ես, ցանկանում ես աշխատել, ես օգնում եմ քեզ զուգահեռաբար քո ընտանիքի սոցիալական խնդիրները օգնում եմ հոգալու։ Զուգահեռաբար իրենց հետ նաև սոցիալական աշխատանք է կատարվելու»,– ընդգծեց փոխնախարարը։
Նրա խոսքով, անապահովության գնահատման նոր համակարգի իմաստը և տրամաբանությունը հետևյալն է՝ ավելի որակյալ ծառայություն տալ մարդուն, առաջին փուլում օգնություն, որ նա կարողանա դուրս գալ այդ վիճակից. «Անապահովության գնահատման համակարգում բավական լայն գործիքակազմ կա, գնահատելով և նյութական կարողությունը, ֆինանսական կարողությունը, և ընտանիքի կառուցվածքը, և համապատասխան խոչընդոտները՝ օբյեկտիվ և սուբյեկտիվ, որոնք մարդուն այդ վիճակի են բերել։ Դրանից ելնելով համապատասխան լուծումներ են առաջարկվում»։
