Երկիրը կանգնած է ազգային խորը ճգնաժամի առաջ, իսկ իշխանության ղեկին կանգնած է մեկը, ով պատրաստ է ամեն ինչի՝ միայն թե պահի իր աթոռը։ Այս մասին գրել է ՀՀ ԱԺ « Հայաստան» խմբակցության պատգամավոր Մհեր Մելքոնյանը.
«Պատրաստ է զիջել, ստորանալ, լռել, թաքնվել, դավաճանել....
Մենք երբեք այսպիսի անողնաշար, վախկոտ և թշնամու շահերը սպասարկող ղեկավար չենք ունեցել։ Նրա խաղաղության անվան տակ քարոզվող ամեն հայտարարություն մի նոր կապիտուլյացիա է:
Երբ երկրի ղեկավարը նախընտրում է լռել այն պահին, երբ պետք է խոսել, նա դառնում է կամա թե ակամա՝ հակապետական շահերի գործընկերը։
Ո՛չ, պարոն վարչապետ կոչեցեալ, սա խաղաղություն չէ։
Սա ազգային շահերի վաճառք է։
Սա դավաճանություն է պետական շահերին և ապագա սերունդներին։
Խաղաղություն չի կարող լինել ազգային արժանապատվության հաշվին»:
