ԱՄՆ Կոնեկտիկուտ նահանգում երկու ուղևոր է փրկվել այն բանից հետո, երբ թեթև օդանավն ընկել է ջուրը։ Այս մասին հայտնում է New York Post-ը։
Առկա տեղեկատվության համաձայն՝ վեց նստատեղով Piper PA-32 ինքնաթիռը Բրիջպորտ օդանավակայանից թռիչքից մոտ 10 րոպե անց բախվել է Լոնգ Այլենդի գետաբերանին։ Առափնյա պահպանության աշխատակիցները, որոնք աղետի ազդանշան են ստացել, կարողացել են 15 րոպեի ընթացքում հասնել վթարի վայր և բարձրացնել ինքնաթիռում գտնվող 41-ամյա տղամարդուն և 17-ամյա աղջկան: Ուղևորները ստացել են միայն փոքր կտրվածքներ։ Նրանց վիճակը գնահատվում է կայուն։
ԱՄՆ Դաշնային ավիացիոն վարչությունը միջադեպի հետաքննություն է սկսել։
