Ղրիմի խորհրդարանի ղեկավար Վլադիմիր Կոնստանտինովը կոչ է արել արևմտյան երկրներին մերժել խաղաղության պոպուլիստական նախաձեռնությունները և դադարեցնել Ուկրաինա մեկնող սպառազինությունների գնացքները։ Նրա խոսքերը մեջբերում է ՌԻԱ Նովոստին։
«Ուկրաինական հակամարտության կարգավորման հարցում կարևոր է խաղաղության իրական ցանկությունը: Այս առումով՝ Արևմուտքի դիրքորոշումը լիովին պոպուլիստական է թվում: Եթե նրանք այդքան խաղաղություն են ուզում, թող վաղը մեզ ասեն, որ զենքով գնացքները կանգնեցվել են այսինչ կայարանում և այլևս չեն շարժվի», - ասել է Կոնստանտինովը:
Նրա խոսքով, շփման գծի ողջ երկայնքով ռազմական գործողությունների դադարեցումը հնարավոր կլինի միայն այն բանից հետո, երբ կձևավորվեն համաշխարհային անվտանգության ուրվագծեր՝ հիմնված Ռուսաստանի պահանջների և շահերի վրա։
