Ստամբուլի իշխանություններն արգելել են «օտարերկրյա գործակալ» ճանաչված Մաքսիմ Գալկինի համերգը, որը նախատեսված էր կիրակի օրը՝ քաղաքում։ Այս մասին «ՌԻԱ Նովոստի»-ին հայտնել է տեղեկացված աղբյուրը։
Ինչպես հայտնի է դարձել, շաբաթ օրը ակտիվիստները կոչեր են տարածել՝ համերգի անցկացման վայրի մոտ զանգվածային բողոքի ակցիա կազմակերպելու վերաբերյալ՝ նպատակ ունենալով խոչընդոտել արտիստի ելույթը։
«Գալկինի համերգը չեղարկվել է. իշխանությունները թույլտվություն չեն տվել դրա անցկացման համար։ Տոմսերի դիմաց վճարված գումարները կվերադարձվեն համապատասխան տոմսային օպերատորների միջոցով։ Համերգը այլ օրվա տեղափոխելու մասին խոսք չկա»,- նշել է աղբյուրը։
