Հանդիպման հաշիվը 31-րդ րոպեին բացեց Ֆրանսիշկու Տրինկաուն։ Հայաստանի ազգային հավաքականի ավագ Էդուարդ Սպերցյանը փոխարինման դուրս եկավ երկրորդ խաղակեսի մեկնարկում՝ 46-րդ րոպեին։ 50-րդ րոպեին պորտուգալացի ֆուտբոլիստը կրկնապատկեց հյուրերի առավելությունը՝ ձևակերպելով դուբլ։ Իսկ 60-րդ րոպեին հանդիպման երրորդ գնդակը խփեց Այվան Թոունին՝ գրավելով մրցակցի դարպասը Էդուարդ Սպերցյանի կատարած փոխանցումից հետո։Armsport
Չորրորդ գոլը 89-րդ րոպեին խփեց Զիյադ Ալ-Ջոհանին։ Ավելացված ժամանակում՝ 90+3-րդ րոպեին, հյուրերը կրկին գրավեցին մրցակցի դարպասը (աչքի էր ընկել Բական, ևս մեկ գոլային փոխանցում էր գրանցվել Սպերցյանի ակտիվում), սակայն VAR-ի դիտարկումից հետո այս գոլը չեղարկվեց։
Նշենք, որ սա Սպերցյանի 3-րդ գոլային փոխանցումն էր ներքին առաջնությունում, իսկ Թոունիի՝ 11-րդ գոլը։
Այս հաղթանակից հետո «Ալ-Ահլին» 8 խաղից հետո վաստակեց 15 միավոր և զբաղեցնում է մրցաշարային աղյուսակի 5-րդ հորիզոնականը։ «Ալ-Ֆատեհը» նույնքան հանդիպումից հետո իր ակտիվում ունի 3 միավոր և գտնվում է 17-րդ տեղում։
