Վրաստանում ձերբակալվել են Թուրքիայի երկու քաղաքացիներ, որոնք հետախուզվում էին իրենց երկրում։

Ձերբակալվածներին մեղադրանքներ են առաջադրվել մի խումբ անձանց կողմից ապօրինի կերպով հրազեն և զինամթերք ձեռք բերելու, պահելու և կրելու, ինչպես նաև պետական սահմանն ապօրինի հատելու համար։

Խուզարկությունների ընթացքում առգրավվել է երկու ատրճանակ, երեք պահունակ և 129 փամփուշտ։

Երկու ձերբակալվածներն էլ Թուրքիայի կողմից հետախուզվում էին տարբեր ծանր հանցագործություններ կատարելու համար։ Նրանց սպառնում է մինչև 11 տարվա ազատազրկում։