Թուրքիայի մի շարք շրջաններում շարունակվում են լայնածավալ հրդեհները։ Հատուկ ծառայությունները շուրջօրյա պայքարում են կրակի դեմ՝ կիրառելով ինչպես օդային, այնպես էլ ցամաքային ուժեր, հայտնում է Անկարայում ռուս թղթակիցը։
Թուրքիայի հարավ-արևմուտքում շարունակվում է մի քանի նահանգներ ընդգրկած անտառային հրդեհների դեմ պայքարը։ Ամենաբարդ իրավիճակը պահպանվում է Բալըքեսիրի նահանգի Գյոմեչ, Մուղլայի Սեյդիքեմեր, Անթալիայի Քաշ և Մերսինի Այընդջըք շրջաններում, որտեղ փրկարարները շարունակում են մարել կրակը։
Թուրքիայի գյուղատնտեսության և անտառային տնտեսության նախարար Իբրահիմ Յումաքլին հայտնել է, որ վերջին մեկ օրվա ընթացքում երկրում գրանցվել է 115 հրդեհի դեպք, որոնցից 110-ը լիովին վերահսկողության տակ են վերցվել։ Մնացած խոշոր օջախների մարման աշխատանքները շարունակվում են։
