Պեկինում կայացած հանդիպման ժամանակ Չինաստանի նախագահ Սի Ծինփինը զգուշացրել է ԱՄՆ նախագահ Դոնալդ Թրամփին, որ Թայվանի նկատմամբ անխոհեմ գործողությունները կարող են հանգեցնել երկու երկրների միջև հակամարտության, հայտնել է BBC-ն։
«Թայվանի հարցը Չինաստան-ԱՄՆ հարաբերություններում ամենակարևոր հարցն է»,-ասել է Սին, ըստ չինական պետական լրատվամիջոցների հաղորդագրությունների, որոնք հայտնվել են բանակցությունների սկսվելուց կարճ ժամանակ անց։
«Եթե այս հարցը ճիշտ լուծվի, երկկողմ հարաբերությունները, ընդհանուր առմամբ, կարող են կայուն մնալ։ Սակայն, եթե մոտեցումը սխալ է, կարող է տեղի ունենալ բախում կամ նույնիսկ հակամարտություն երկու երկրների միջև, ինչը Չինաստան-ԱՄՆ ամբողջ հարաբերությունները կդնի չափազանց վտանգավոր իրավիճակի մեջ»,-հայտարարել է Չինաստանի նախագահը։
