Պատգամավոր Արթուր Խաչատրյանը գրել է․
«1993 թվականի ապրիլի 17… Երբեք այդ սև օրը չեմ մոռանա: Կեսօրվա մոտ լուր եկավ, որ գյոռբագյոռ է եղել Թուրքիայի նախագահ Թուրգութ Օզալը, մի ճիվաղ ով սպառնում էր զորք մտցնել Հայաստան:
Ուրախությունը երկար չտևեց: Զոհվել էր Շահումյանի ինքնապաշտպանական ուժերի հրամանատար, ՀՅԴ անդամ լեգենդար Շահեն Մեղրյանը: Գյուլիստանի երկնքում խոցվել էր Շահենին ու նրա ընկերներին տեղափոխող ուղղաթիռը: Ուղղաթիռում էր նաև մեր ուսանողական միության անդամ սիսիանցի Գրիգորյան Գրիգորը…
Հիշատակն արդարոց օրհնությամբ եղիցի»։
