Միջազգային ռուս-հայկական «Լազարևյան ակումբը» ցավակցություն է հայտնել Զորի Բալայանի մահվան կապակցությամբ․
«Զորի Հայկովիչը կմնա մեր սրտերում և հիշողության մեջ որպես վառ, խիզախ և համոզմունքներով լի մարդ, ով ամբողջ հոգով ապրում էր իր հայրենիքի ճակատագրով։ Իր ողջ կյանքի ընթացքում նա պայքարել է հայ ժողովրդի պատվի և ազատության համար, պաշտպանել է իրավունքները։ Նա սիրում էր Հայաստանը և սիրում էր Ռուսաստանը։
Դառն է գիտակցել, որ Զորի Բալայանի կյանքի վերջին ամիսներն ու օրերը մթագնվեցին հայկական բնակչության արտագաղթով, Արցախի Հանրապետության կործանումով։ Դավաճանությունից ավելի ծանր բան Զորիի համար չէր կարող լինել, իսկ նա դա տեսավ և այլևս չկարողացավ կանխել։ Ինչպես և մենք մինչ այժմ։
Սակայն Զորի Բալայանի պատգամը՝ «Երբեք չհանձնվել», կշարունակի բաբախել հայ ժողովրդի և Հայաստանի բարեկամների սրտերում։ Լույս հիշատակ քեզ, սիրելի Զորի Հայկովիչ»։
