Փետրվարի 25-ին Հայաստանի Հանրապետությունում Ռուսաստանի Դաշնության առևտրային ներկայացուցչության հարթակում տեղի ունեցավ «Հայ-ռուսական տնտեսական համագործակցություն.հնարավորություններ և հեռանկարներ» փորձագիտական քննարկումը:
Միջոցառումն անցկացվել է Ռուսաստանի և Հայաստանի գիտափորձագիտական հանրության ներկայացուցիչների մասնակցությամբ:
Քննարկման ընթացքում փորձագետները քննարկել են Ռուսաստանի և Հայաստանի առևտրատնտեսական համագործակցության ընթացիկ դինամիկան, արդյունաբերական համագործակցության հեռանկարները, տրանսպորտային և լոգիստիկ երթուղիների զարգացումը, ինչպես նաև տեխնոլոգիական գործընկերության և թվային փոխակերպման հարցերը:
Հատուկ ուշադրություն է դարձվել փոխգործակցության գերակշռող ապրանքային մոդելից ավելի խորը արտադրական և նորարարական համագործակցության անցմանը, ներառյալ իրավասությունների փոխանցումը և համատեղ նախագծերի զարգացմանը: Հայաստանի Հանրապետությունում Ռուսաստանի Դաշնության առևտրային ներկայացուցիչ Սերգեյ Սոլոմինը նշել է․ «Ռուս-հայկական փոխգործակցության զարգացումը պահանջում է մասնագիտական երկխոսություն՝ ուղղված գործնական լուծումների որոնմանը։ Մենք փորձագիտական հանրությանը դիտարկում ենք որպես կարևոր գործընկեր երկկողմ առևտրատնտեսական համագործակցության երկարաժամկետ օրակարգի ձևավորման գործում»:
Մասնակիցներն ընդգծել են Եվրասիական տնտեսական միության շրջանակներում ինտեգրացիոն գործընթացների կարևորությունը՝ նշելով դրա նշանակությունը առևտրատնտեսական փոխգործակցության ընդլայնման, կայուն լոգիստիկ շղթաների ձևավորման և ապրանքների, ծառայությունների, կապիտալի և աշխատուժի ազատ տեղաշարժի ապահովման համար:
