fՎերաքննիչ քրեական դատարանում այսօր տեղի է ունենալու Շիրակի թեմի առաջնորդ Միքայել Սրբազանի վերաբերյալ դատական նիստը։
Միքայել Սրբազանը կմասնակցի դատական նիստին, այս մասին Aysor.am-ի հետ զրույցում ասաց Սրբազանի փաստաբանական խմբի անդամ Մարինե Ֆարմանյանը։
«Միքայել Սրբազանը դատական նիստին մասնակցելու ցանկություն է հայտնել»,-ասաց պաշտպանը։
Հիշեցնենք՝ Սրբազանն այս պահին գտնվում է «Իզմիրլյան» բժշկական կենտրոնում, որտեղ առաջին վիրահատությունից հետո վերականգնողական փուլ է անցնում և պատրաստվում է երկրորդ վիրահատությանը։
«Այսօրվա նիստին քննվելու է պաշտպանների կողմից ներկայացրած վերաքննիչ բողոքը՝ արդարացման հիմքով, և դատախազների վերաքննիչ բողոքը՝ պատժաչափը ավելացնելու վերաբերյալ»,-տեղեկացրեց Մարինե Ֆարմանյանը։
