Bloomberg-ի տեղեկություններով՝ Հնդկաստանը որոշել է ժամանակավորապես չարձագանքել ԱՄՆ նախագահի Դոնալդ Թրամփի սահմանած 50 տոկոս մաքսատուրքերին։ Չնայած առևտրային համաձայնագրի շուրջ անհաջող բանակցություններին, Դելին ու Վաշինգտոնը շարունակում են պահել կապը հիմնական հարցերում, ներառյալ պաշտպանությունն ու արտաքին քաղաքականությունը։
Հնդկաստանը քննադատել է ամերիկյան քայլը՝ համարելով այն անարդար, սակայն հայտարարել է, որ կշարունակի գնել ռուսական նավթ այնքան ժամանակ, քանի դեռ դա ֆինանսապես շահավետ է։ Մասնագետները նշում են, որ առանց ռուսական նավթի ներկրման հնարավոր չէ կայունացնել ներքին շուկան
Աղբյուրները նաև ընդգծում են, որ լիարժեք առևտրային համաձայնագիր երկու երկրների միջև չի կարող կնքվել, քանի դեռ չեն հանվել ինչպես փոխադարձ, այնպես էլ երկրորդային սահմանափակումները ռուսական նավթի գնման հարցում։ Տեղական բիզնես համայնքը մտահոգված է․ գործարարները խոսում են արտադրության կրճատման, աշխատատեղերի զանգվածային կորստի և արտադրման տեղափոխման վտանգի մասին։
