Վերջին 24 ժամվա ընթացքում անտառային հրշեջ ծառայությունները Ռուսաստանում մարել են 1445 հեկտար տարածք ընդգրկող 61 անտառային հրդեհ, հաղորդում է ՌԻԱ Նովոստին հղում անելով «Ավիալեսոօխրանա»-ին։
«Տարածաշրջանային անտառտնտեսության դիսպետչերական ծառայությունների տեղեկատվության համաձայն՝ վերջին 24 ժամվա ընթացքում՝ 01.08.2025-ին, Ռուսաստանի անտառային հրդեհաշիջման ուժերը 61 անտառային հրդեհ են մարել՝ 1445 հեկտար տարածքում», - ասվում է հաղորդագրության մեջ։
Նշվում է, որ շաբաթ օրը՝ կեսգիշերվա դրությամբ, ՌԴ տարածքում գրանցվել է 117 անտառային հրդեհ՝ 21 330 հեկտար տարածքով, որոնք ակտիվորեն մարվել են։
«Ավիալեսոօխրանա»-ն (Օդային անտառապահություն) հայտնել է, որ ամենամեծ հրդեհի տարածքը գրանցվել է Յակուտիայում, որտեղ եղել է 7 հրդեհ՝ 14 828 հեկտար տարածքով։
