Բարաք և Միշել Օբամաները հրապարակավ ցուցադրել են միասնություն, երբ միասին հայտնվել են The Light Podcast-ի նոր թողարկմանը, որը Միշելը վարում է իր եղբոր՝ Քրեյգ Ռոբինսոնի հետ։ Առիթը վերջին ամիսներին լրատվամիջոցներում շրջանառվող ամուսնալուծության մասին լուրերի քննարկումն էր։ Սակայն, մարմնի լեզվի մասնագետի խոսքով, նրանց վարքագիծը խառը տպավորություն է թողել, գրում է Daily Mail-ը։
Զրույցի սկզբում Միշելը կատակել է. «Գոնե ամուսինս և ես նույն սենյակում ենք, հակառակ դեպքում մարդիկ արդեն մտածում են, որ մենք ամուսնալուծված ենք»։ Նա վճռականորեն նշել է, որ «չի եղել մի պահ», երբ մտածեր Բարաքից բաժանվելու մասին։
Այնուամենայնիվ, մարմնի լեզվի մասնագետ Ջուդի Ջեյմսը Daily Mail-ին տված մեկնաբանության մեջ նշել է զույգի դինամիկայի նկատելի փոփոխությունը՝ համեմատած Սպիտակ տանը անցկացրած ժամանակի հետ։ Նա զույգի փոխազդեցությունները նկարագրել է որպես «անհարմար» և ընդգծել Միշելի մարմնի լեզվի մեջ անհանգստացնող նշանները։
«Երբ Բարաքը նստեց իր տեղում, Միշելը ձեռքերը քսեց իր ազդրերին, ինչը կարող էր ինքնամեղմացնող ժեստ լինել», - ասաց փորձագետը։ «Այնուհետև նա ձեռքերը թաքցրեց ոտքերի արանքում սեղանի տակ։ Նրա ոտքերը անհարմար կերպով սահեցին աթոռի տակ, մի ժեստ, որը սովորաբար ցույց է տալիս իր ներկայությունը նվազեցնելու ցանկություն»։
Ջեյմսի խոսքով՝ Միշելը «տխուր և նյարդայնացած» տեսք ուներ լուրերը քննարկելիս, իսկ նրա մարմնի լեզուն՝ «ներքին անհանգստություն»։ Նա նաև նկատել է Բարաքի արձագանքը նման լուրերի մասին հարցին. նա ասել է, որ «նույնիսկ չգիտեր, որ նման լուրեր են շրջում», ինչը «տարօրինակ» էր։
Մասնագետը ընդգծել է, որ Սպիտակ տանը իրենց աշխատանքային տարիներին Օբամաները ցուցաբերել են իրական «փոխադարձ սիրավեպ և խարիզմատիկ հավասարություն», և նրանց միությունը թվացել է «իդեալական մոդել»։ Սակայն, այժմ, նրա կարծիքով, զույգը «մի փոքր լարված» տեսք ուներ, բայց միևնույն ժամանակ հստակորեն որոշել է «վերջ դնել սպեկուլյացիաներին»։
Նրա խոսքով՝ ստուդիայի կառուցվածքի պատճառով ամուսինների միջև ֆիզիկական շփում չի եղել՝ ո՛չ դիպել են իրար, ո՛չ էլ նախկինում ունեցած սովորական համատեղ ժեստերն են եղել։ Միակ մարդը, որին Բարաքը ձեռքը մեկնել է, Միշելի եղբայրն էր։ Փոդքասթի վերջում Միշելը պաշտոնապես շնորհակալություն է հայտնել ամուսնուն՝ ասելով «Շնորհակալություն, Բարաք Օբամա», խուսափելով ցանկացած խաղային դրսևորումից։ Դրա փոխարեն նա նյարդայնորեն շարժում էր դաստակների ապարանջանները՝ ևս մեկ նշան հուզական լարվածության։
Միևնույն ժամանակ, Միշելը անկեղծորեն խոստովանել է. «33 տարվա ամուսնության ընթացքում ես երբեք չեմ մտածել իմ ամուսնուն լքելու մասին։ Մենք դժվար ժամանակներ ենք ունեցել, բայց նաև շատ ուրախություն։ Բարաքի շնորհիվ ես ավելի լավ մարդ եմ»։
Հիշեցնենք, որ Բարաքը և Միշել Օբամաները միասին են գրեթե 33 տարի և մեծացնում են երկու դուստրերին։ Անհամաձայնության մասին լուրերին հակառակ՝ զույգը շարունակում է հերքել բաժանման փաստը։
Նոր ենթադրությունների պատճառը, մասնավորապես, Միշելի որոշումն էր՝ չմասնակցել Ջիմի Քարթերի հուղարկավորությանը և Դոնալդ Թրամփի երդմնակալությանը, սակայն նա ընդգծում է, որ դա իր անձնական ընտրությունն էր։
