Վրաստանում կայանալիք «Մանկական Եվրատեսիլ 2025» երգի մրցույթի համար Հայաստանն ընտրում է իր մասնակցին, գրում է Eurovoix.com-ը։
Հայտերի ընդունումը սկսվում է այսօրվանից և ավարտվում օգոստոսի 10-ին։ Մրցույթին կարող են մասնակցել 2010 թվականի դեկտեմբերի 14-ից մինչև 2016 թվականի դեկտեմբերի 13-ը ծնված երգիչները, որոնք Հայաստանի քաղաքացիներ կամ բնակիչներ են։ Մրցույթին կարող են մասնակցել մինչև վեց հոգուց բաղկացած խմբեր, իսկ անհատ երգիչները կարող են դիմել միայն մեկ անգամ։ Նրանք չեն կարող լինել խմբի մաս։ Դիմորդները պետք է ներկայացնեն երկու հայտնի երգերի քավըր տարբերակներ։
Ընտրությունը կանցկացվի երկու փուլով։ Առաջին փուլում կքննարկվեն առցանց ներկայացված հայտերը, որոնց հիման վրա կընտրվեն մասնակիցները, որոնք կանցնեն ուղիղ լսումների փուլ։ Ուղիղ լսումները կանցկացվեն օգոստոսի 13-ին։ Լսումների այս երկրորդ փուլը կորոշի հայ ներկայացուցչին։ Հաղթողը կընտրվի մասնագիտական ժյուրիի և հայ ու միջազգային փորձագետներից կազմված ֆոկուս խմբի կողմից։
Հաղթող մասնակիցն ստեղծագործական թիմի հետ կաշխատի Վրաստանում կայանալիք մրցույթի համար իր երգի շուրջ։
Հիշեցնենք, որ Հայաստանը Մադրիդում կայացած «Մանկական Եվրատեսիլ 2024»-ում ներկայացրել է Լեոն՝ «Cosmic Friend» երգով։ Հայաստանը եզրափակիչում զբաղեցրել է 8-րդ տեղը՝ հավաքելով 125 միավոր։
