Հայտնի ռուս սրտաբան Ալեքսանդր Մյասնիկովը խոսել է գինու առողջարար հատկությունների մասին, եթե այն չափավոր կերպով օգտագործվի։
Բժիշկն ընդգծել է, որ օրական մեկ բաժակ որակյալ գինին կարող է ոչ միայն հաճույք պատճառել, այլև որոշակի օգուտներ բերել օրգանիզմին։ Նրա խոսքով՝ կարմիր գինին հակաօքսիդանտների աղբյուր է, որոնց պարունակությունը մեկ բաժակում կարող է համեմատվել այդ նյութերի քանակի հետ 20 բաժակ խնձորի հյութում կամ յոթ նարինջում։ Սա խմիչքը դարձնում է արժեքավոր ազատ ռադիկալների դեմ պայքարի առումով, որոնք նպաստում են բջիջների ծերացմանը և քրոնիկ հիվանդությունների զարգացմանը։
Բացի այդ, Մյասնիկովը նշել է գինու դրական ազդեցությունը սրտանոթային համակարգի վրա. կանոնավոր չափավոր օգտագործումը կարող է օգնել իջեցնել արյան ճնշումը, բարձրացնել «լավ» խոլեստերինի մակարդակը և նվազեցնել բորբոքային գործընթացները օրգանիզմում։ Նա նաև մատնանշել է ուսումնասիրություններ, որոնց համաձայն կարմիր գինու չափավոր օգտագործումը կապված է որոշակի տեսակի քաղցկեղի ռիսկի նվազման և կյանքի տևողության ավելացման հետ։
Բժիշկը նաև ընդգծել է չափավորության և արտադրանքի որակի կարևորությունը։ Օգուտներ են ստացվում միայն օրական մեկ բաժակ օգտագործելու դեպքում, իսկ չարաշահումը, ինչպես նաև ցածրորակ ըմպելիքների օգտագործումը կարող են հանգեցնել հակառակ ազդեցության: Մյասնիկովը զգուշացրել է ալկոհոլ չօգտագործել նրանց, ովքեր ունեն առողջական պատճառներով հակացուցումներ, այդ թվում՝ լյարդի հիվանդություն, ծանր հիպերտոնիա և կախվածության նախատրամադրվածություն:
