Ուկրաինայի դեմ պատերազմ սանձազերծելուց ի վեր Ռուսաստանը ածխաջրածինների արտահանումից 3 անգամ ավելի շատ գումար է վաստակել, քան Ուկրաինան՝ օգնություն իր դաշնակիցներից։
Նման տվյալներ է բերում BBC-ն։
Ռուսաստանի Դաշնությունը վաստակել է ավելի քան 883 միլիարդ եվրո։ Մասնավորապես, Մոսկվան պատժամիջոցներ սահմանած երկրներից ստացել է 228 միլիարդ եվրո, այդ թվում՝ 209 միլիարդը ԵՄ-ից։ Ուկրաինան ստացել է 309 միլիարդ եվրո օգնություն, որից 73 միլիարդը՝ ԵՄ-ից։
Միաժամանակ Եվրամիությունը դարձել է ռուսական ածխաջրածինների երկրորդ խոշոր գնորդը Չինաստանից հետո (վերջինս Ռուսաստանին վճարել է 252 մլրդ եվրո)։ Ռուսական նավթի մի մասը վերամշակվում է երրորդ երկրներում, օրինակ՝ Թուրքիայում և Հնդկաստանում, այնուհետև վերաարտահանվում արևմտյան երկրներ։
Այսպիսով, Մոսկվան շարունակում է ֆինանսավորել իր լայնածավալ ներխուժումը Ուկրաինա, այդ թվում՝ ածխաջրածինների արտահանումից ստացված եկամուտների միջոցով։
Նշենք որ նավթն ու գազը ապահովում են Ռուսաստանի բյուջեի եկամուտների գրեթե մեկ երրորդը և արտահանման ավելի քան 60%-ը։
