Բուլղարիայի կենտրոնական ընտրական հանձնաժողովը Իլիանա Յոտովային պաշտոնապես հայտարարել է նախագահական ընտրությունների հաղթող։ Փոխնախագահի թեկնածու Կիրիլ Վիլչևի հետ նա նոյեմբերի 1-ին անցկացված երկրորդ փուլի արդյունքներով ստացել է ձայների 57,566%-ը, հայտնում է bTV հեռուստաալիքը։

Հեռուստաալիքի տվյալներով՝ Յոտովայի և Վիլչևի օգտին քվեարկել է 1 միլիոն 93 հազար 852 ընտրող։ Նրանց մրցակիցներ Անդրեյ Գյուրովը և Գեորգի Կանդևը ստացել են ձայների 39,483%-ը՝ 750 հազար 251 ձայն։

Յոտովան կդառնա Բուլղարիայի նախագահի պաշտոնում ընտրված առաջին կինը։ 2026 թվականի հունվարից նա կատարում էր պետության ղեկավարի պարտականությունները՝ Ռումեն Ռադևի հրաժարականից հետո, որը որոշել էր մասնակցել խորհրդարանական ընտրություններին։

Նախագահական ընտրությունների առաջին փուլը տեղի է ունեցել հոկտեմբերի 25-ին։ Քանի որ թեկնածուների զույգերից ոչ մեկը չի ստացել հաղթանակի համար անհրաժեշտ աջակցությունը, նշանակվել է երկրորդ փուլ։