Ղրղզստանի և Ղազախստանի սահմանին 4,3 մագնիտուդով երկրաշարժ է տեղի ունեցել, լրագրողներին հայտնել են Ղրղզստանի Գիտությունների ազգային ակադեմիայի սեյսմոլոգիայի ինստիտուտում։

«2026 թվականի հուլիսի 10-ին, տեղի ժամանակով ժամը 1:59-ին, Ղրղզստանի Հանրապետությունում ԳԱԱ սեյսմոլոգիայի ինստիտուտի սեյսմակայանները գրանցել են երկրաշարժ, որի ուժգնությունը էպիկենտրոնում կազմել է 4 բալ՝ MSK-64 12-բալանոց սանդղակով, մագնիտուդը՝ 4,3, էներգետիկ դասը՝ 10,2», - նշվել է հաղորդագրության մեջ։

Ինստիտուտի նախնական տվյալներով՝ երկրաշարժի օջախը գտնվել է Ղրղզստանի և Ղազախստանի սահմանին՝ Թալասի Ալա-Թոո լեռնաշղթայի շրջանում, Ղրղզստանի Կոկ-Սայ գյուղից 30 կիլոմետր հարավ-արևմուտք, Ղազախստանի Տարազ քաղաքից 75 կիլոմետր հեռավորության վրա։

«Ղրղզստանի Հանրապետության բնակավայրերում երկրաշարժի ինտենսիվությունը կազմել է՝ Կոկ-Սայ, Կայնար, Արչագուլ, Շեքեր գյուղերում՝ մոտ 2,5 բալ», - նշել են ինստիտուտում։