Ես ուզում եմ խոսել Պուտինի հետ, չեմ ուզում սպասել, այս մասին հայտարարել է Զելենսկին։
«Ցավոք, այսօր մենք ուշադրության կենտրոնում չենք։ Իմ կարծիքով, Իրանը Միացյալ Նահանգների համար թիվ մեկ խնդիրն է։ Եվ հետո գալիս է Ուկրաինայի հարցը։ Ցավոք, մենք կանգնած ենք այս պատերազմների հերթում»,-ասել է Զելենսկին։
Նա ընդգծել է, որ Միացյալ Նահանգներն այն երկիրն է, որը կարող է ամենաուժեղ կերպով ճնշում գործադրել Կրեմլի վրա՝ պատերազմը դադարեցնելու համար։ Միևնույն ժամանակ, նշել է Զելենսկին, որ Ուկրաինայի համար լավագույն տարբերակը կլինի, որ և՛ Վաշինգտոնը, և՛ Եվրոպան ներգրավվեն բանակցություններում։
«Պատերազմը այստեղ է՝ եվրոպական մայրցամաքում։ Ես իսկապես հավատում եմ, որ ամենաուժեղ տարբերակը Ամերիկայի Միացյալ Նահանգներն ու Եվրոպայի ներկայացուցիչներն են։ Բայց, ինչպես ասացի, մեզ համար պատերազմի դադարեցումը դեռևս թիվ մեկ խնդիրն է։ Եվ այլընտրանք չկա։ Եվ այդ պատճառով ես անկեղծորեն ասացի. մենք աջակցում ենք ցանկացած ձևաչափի»։ «Եվ ես պատրաստ եմ Պուտինի հետ ուղիղ բանակցությունների՝ այս պատերազմն ավարտելու համար, այլ ոչ թե հերթում սպասել, մինչև բոլորը վերջ դնեն աշխարհի բոլոր հակամարտություններին, և այդ ժամանակ մեր հերթն է», - հավելել է նա։
