Թուրքիայում փոթորկի հետևանքով 1 մարդ է մահացել, 40-ը` վնասվածքներ ստացել։ Տուժածները հոսպիտալացվել են, փրկարարները վերացնում են տարերքի հետևանքները:
Ստամբուլում և երկրի ևս 43 քաղաքներում հայտարարվել է վտանգի «դեղին» մակարդակ: Վիրանշեհիր, Բիրեջիք, Ղազիանթեփ քաղաքներում փողոցները վերածվել են գետերի, ծառեր են տապալվել, տներ են ավերվել, իսկ դաշտերում մոլեգնում է պտտահողմը:
Ձյունը ծածկել է Դենիզլին, Բուրդուրը, Քյութահյան և Աֆյոնը: Դպրոցներում չեղարկվել են դասերը:
