Արցախ վերադառնալու համար նախ պետք է ճանաչվի այդ վերադառնալու իրավունքը։ Այսօր Հայաստանը, որպես պետություն, նույնիսկ չի ուզում ընդհանրապես խոսել այդ թեմայի շուրջ։ Եթե չի ճանաչվում վերադառնալու իրավունքը, ապա ընդհանրապես վերադառնալու մասին խոսելն անիմաստ է։ Այս մասին հայտարարել է ՀՀ երկրորդ նախագահ Ռոբերտ Քոչարյանը։
«Առաջնային հարցը մեզ համար հենց այդ իրավունքի ճանաչումն է, որը բխում է միջազգային իրավունքից և արա առկայությունը շատ դժվար է մերժել կամ հերքել։ Դրանից հետո խոսքը պետք է գնա արցախցիների անվտանգ վերադարձի մասին։ Դա շատ դժվար է լինելու և երկար ժամանակ է պահանջելու»,-ասել է նա։
