Սաուդյան Արաբիայում ԱՄՆ դեսպանատունը կոչ է անում իր աշխատակիցներին անհապաղ լքել երկիրը։
«Մենք ուշադիր հետևում ենք Մերձավոր Արևելքում տիրող իրավիճակին: Մերձավոր Արևելքը լքել ցանկացող քաղաքացիներին ԱՄՆ կառավարությունը պատրաստ է օգնել՝ տրամադրելով մեկնման տարբերակների վերաբերյալ ամենաթարմ տեղեկատվությունը:
Նախագահ Թրամփը, պետքարտուղար Ռուբիոն և Պետդեպարտամենտը ԱՄՆ քաղաքացիների անվտանգությունից և պաշտպանվածությունից ավելի բարձր առաջնահերթություն չունեն:
Հորդորում ենք ԱՄՆ քաղաքացիներին լքել Սաուդյան Արաբիան առևտրային չվերթներով։ Սաուդյան Արաբիայի օդային տարածքը մնում է բաց՝ հաճախակի օդային երթևեկության սահմանափակումներով՝ հրթիռային և անօդաչու թռչող սարքերի շարունակական սպառնալիքները կանխելու համար:
Խորհուրդ է տրվում թռիչքի կարգավիճակը ստուգել անմիջապես ավիաընկերության հետ՝ հնարավոր ուշացումների և չեղարկումների պատճառով»,-ասվում է հայտարարության մեջ:
