Իրանի Մեջլիսը հայտարարություն է տարածել, որում անդրադարձել է նաև այսպես կոչված «Զանգեզուրի միջանցքի» հարցին՝ նշելով, որ այն սպառնալիք է ներկայացնում երկրի անվտանգության համար, հաղորդում է Tasnim-ը։
«Ճանաչված սահմանները փոխելու, պարտադրված միջանցքներ ստեղծելու կամ «Զանգեզուրի միջանցքի» նման նախագծեր իրականացնելու ցանկացած գործողություն անհամատեղելի կլինի տարածաշրջանի երկրների շահերի հետ և կդառնա կոլեկտիվ անվտանգության ուղղակի սպառնալիք», - ասվում է Իրանի խորհրդարանի հայտարարության մեջ։
Անվիճելի միջազգային սկզբունքներին հղում անելով՝ հիշեցվում է, որ միջազգայնորեն ճանաչված սահմանների ցանկացած փոփոխություն՝ առանց շահագրգիռ կառավարությունների համաձայնության, ՄԱԿ-ի կանոնադրության և երկրների տարածքային ամբողջականության սկզբունքի ակնհայտ խախտում է։
