ԻԻՀ Արտաքին հարաբերությունների ռազմավարական խորհրդի քարտուղար Ալի Բաղերի Քանին, խոսելով Հայաստանի և Ադրբեջանի միջև Վաշինգտոնում կնքված փաստաթղթերի մասին, նշել է.
«Իրանի համար կարևոր է ստեղծել պայմաններ, որոնք կապահովեն կայունություն, զարգացում և առաջընթաց Իրանի սահմաններին, և այդ պայմանները ձևավորվում են Իրանի հարևանների հետ համապարփակ համագործակցության միջոցով։
Այն փաստը, որ օտարերկրացիները, մասնավորապես Միացյալ Նահանգները, ցանկանում են մտնել տարածաշրջան և ոտնձգություն կատարել տարածաշրջանի երկրների շահերի նկատմամբ՝ միաժամանակ ապահովելով իրենց սեփական շահերը, անընդունելի է ինչպես Իրանի, այնպես էլ տարածաշրջանի երկրների և ժողովուրդների համար»,– ասել է նա։
Աղբյուրը՝ lurer.com
