Ինչպե՞ս արմատապես մեղմել թոշակների խնդիրը: 

Նախ, մենք ունենք թոշակառուների հսկայական քանակ, ինչը ոչ միայն արտագաղթի, ժողովրդագրական այլ զարգացումների, այլև անհեռատես օրենսդրական քաղաքականության արդյունք է: Հարկ է, մասնավորապես, բոլոր տեսակի հատուկ պետական ծառայության օրենսդրական ակտերից անհապաղ հանել կենսաթոշակի հիմք համարվող տարիքային սահմանափակումները: Օրինակ, ի՞նչ տրամաբանությամբ են ոստիկանության կրտսեր խմբում ծառայությունը դադարեցնում 55 տարեկանում, միջին և ավագ խմբում՝ 58 տարեկանում և այլն: Սա հավասարապես վերաբերում է մյուս ծառայություններին: Ծառայությունը դադարեցնելու հիմքը պետք է լինի ոչ թե նվազ տարիքը, այլ կոնկրետ անձի առողջական վիճակը:

Նշված անհիմն օրենսդրական քաղաքականության արդյունքում՝ 1) արդեն կարճ ժամանակում ունենում ենք տասնյակ հազարների հասնող արհեստական թոշակառուներ, ընդ որում՝ համեմատաբար բարձր կենսաթոշակով, քանի որ խոսքը հատուկ պետական ծառայողների մասին է, 2) զգացնել է տալիս փորձառու կադրերի պակասը և դրական «հիշողության» իսպառ բացակայույթունը, 3) կտրուկ վատթարացնում ենք երիտասարդ կադրերի աշխատատեղերի հարցը, քանզի դրանք, հաճախ նաև ոչ ֆորմալ հիմքերով զբաղեցնում են թոշակի անցած փորձառու մասնագետները (մեզանում նոր աշխատանքի դիմած ցանկացած մեկից ստաժ են պահանջում) և այլն: Սա դեռ խնդրի մի չնչին ասպեկտն է:

Հարգելիներս պետք չի «կախարդական փայտիկ» փնտրել, ուղղակի հարկ է համալիր ու համակարգված գործել, անլուծելի խնդիրներ չկան ...