Ռիո դե Ժանեյրոյում կայանալիք անվճար համերգը, որի ընթացքում ելույթ է ունենալու Լեդի Գագան, զգալիորեն խթանել է ներքին ավիաչվերթների պահանջարկը Բրազիլիայում։ Ավելի քան 1.6 միլիոն մարդ ակնկալվում է Կոպակաբանա լողափում այս շաբաթավերջին՝ 39-ամյա փոփ աստղի առաջին բրազիլական ելույթին մասնակցելու համար 2012-ից ի վեր։

LATAM, Gol և Azul ավիաընկերությունները հայտնել են գրեթե լիարժեք բեռնվածությամբ չվերթների մասին և ավելացրել են թռիչքների քանակը։ LATAM-ը միայն Ռիոյի երկու օդանավակայաններ ուղղությամբ ավելացրել է թռիչքների հաճախականությունը 25%-ով, իսկ տեղերի առաջարկը՝ 26%-ով։ Ընկերության չվերթների լցվածության ցուցանիշը վերջին օրերին հասել է 90%-ի։

Տուրիզմի նախարարի խոսքով՝ «երաժշտական տուրիզմը» դարձել է Բրազիլիայի զբոսաշրջության նոր շարժիչ ուժը՝ աջակցելով ոչ միայն ավիաընկերություններին, այլև հյուրանոցային և սննդի ոլորտներին, հայտնում է CNN-ը։